Neda e “BB 4” fillon punë në ministri

Ish-barnorja e “Big Brother 4” me sa duket ka lënë pas kohën e famës, për t’iu përkushtuar familjes dhe punës së saj të re. Bëhet me dije se Neda ka nisur të punojë tek Ministria e Mirëqenies Sociale dhe Rinisë. Aktualisht Neda po merret me organizimin e eventeve të kësaj ministrie si dhe me zyrën e shtypit. Vajza nga Kavaja ka pak kohë që është martuar me Ogrenin, me të cilin u njoh brenda “Big Brother” dhe kanë një djalë 1 vjeç, shkruan “Bluetooth”. Tashmë Nedës do t’i duhet të shkëputet disi nga detyrimet si nënë për t’iu përkushtuar më shumë detyrës së re në ministrinë e Blendi Klosit.