Monika Lubonja ka shumë vite që është pjesë e teatrit dhe filmit shqiptar, ndaj imazhi i saj është i pangatërrueshëm. Që nga fillimet e saj Monika i ka qëndruar besnike pothuajse të njëjtit ‘look’, por me ndryshimin e fundit i ka surprizuar të gjithë. Sot ajo ishte e ftuar në emisionin “Rudina” dhe aty zbuloi se kishte vendosur të bëhej bjonde. Në fakt shtysa e saj kryesore duket se ka qenë roli që ajo ka në ‘musical-in’ “Annie”, premiera e të cilit do të jetë në datën 8 qershor. Megjithatë duket se Monika nuk është bërë aspak pishman për këtë ndryshim, sepse ka treguar se ndjehet shumë mirë.
“Thashë ka ardhur koha për ndryshim. I bëra bjonde për hir të një roli në ‘musical-in’ ‘Annie’, por edhe për të ndryshuar. Ky rol është karakter i tillë që më duhej t’i përshtatesha”, është shprehur Lubonja. Monika publikoi edhe vetë më pas disa foto me flokët bjondë dhe komentet ishin shumë pozitive.
Në ‘musical-in’ “Annie”, Monika Lubonja do të vijë edhe në rolin e producentes së bashku me Adelina Muçën. /revistawho.com
