Martohet nesër Vlash Martika, detajet e ceremonisë me dentisten… Çifti pret një fëmijë 

Vlash Martika, modeli simpatik nga Durrësi, që u bë i njohur falë pjesëmarrjes në disa formate televizive e që aktualisht punon në administratën publike, pritet të lidhë kurorë nesër me stomatologen e njohur Orsela Shkreli. Historia e tyre e dashurisë, që nisi katër vite më parë do të finalizohet nesër mbrëma në një ceremoni luksoze në një prej resorteve më të njohura në qytetin bregdetar. Dy të rinjtë kanë vendosur që t’i thonë “PO” njëri-tjetrit edhe përpara Zotit, ndaj nesër paradite do të ketë një ceremoni në kishë. Me organizimin e dasmës është marrë “Frederika Arti Martesor”, ndërsa fustanet nusja i ka zgjedhur vetë në Paris nga stilisti Elie Saab. Në dasmën e të dielës janë të ftuar këngëtarë të njohur dhe çifti ka përgatitur disa surpriza për të ftuarit dhe për njëri-tjetrin. Mësohet se ata janë në pritje të një djali, i cili do të vijë në jetë në verën e këtij viti. Me kurorëzimin në martesë, ata do të nisin edhe bashkëjetesën në vilën e sapopërfunduar në Durrës.