Vetëm pak ditë më parë, nëpër portalet e huaja qarkulloi lajmi se lidhja e Bradley Cooper dhe Irina Shayk ishte ‘në fije të perit’, por duket se gjërat janë përkeqësuar akoma dhe më shumë. Sipas një burimi për ‘E!News’, vajza e tyre është gjëja e vetme që po i mban të lidhur. “Gjërat bëhen pak më mirë, por ato gjenden prap në të njëjtën situatë, ku pyesin veten nëse të jenë çift është vërtetë ajo që duan. Ata duan të qëndrojnë bashkë për vajzën e tyre, por asnjëri nga të dy nuk është i lumtur”, është shprehur burimi. “Ata po kalojnë kohë larg njëri-tjetrit për të testuar lidhjen e tyre dhe për të parë se ku janë. Kanë investuar shumë në këtë lidhje dhe nuk mund të largohen plotësisht. Gjithashtu e duan shumë vajzën e tyre dhe kjo nuk ka për të ndryshuar kurrë”, vazhdon ai. Sipas burimit, nëse Irina dhe Bradley vendosin të qëndrojnë bashkë, kjo do jetë vetëm për vogëlushen e tyre, megjithatë ata ende po vazhdojnë të tentojnë që lidhja e tyre të funksionojë./revistawho.com
