Ditën e sotme moderatori i dashur për publikun shqiptar, Ardit Gjebrea feston 56-vjetorin e tij. Mes shumë urimesh dhe dhuratash që Gjebrea ka marrë në një ditë speciale si kjo e sotmja, ka zgjedhur të veçojë njërën prej tyre.
Ai ka publikuar në llogarinë e tij në ‘Instagram’, disa foto ku dallohet se ka marrë si dhuratë bluzën e futbollistit Thomas Strakosha të shkruar me disa autografe nga pjesëtarët e klubit të futbollistëve të Lazios. “A super dhuratë nga @dritan_shakohoxha dhe @thomas_strakosha. Faleminderit skuadra e Lazio-s, prej 40 vitesh skuadra e zemrës”,- shkruan ai.
Siç duket Gjebrea është surprizuar duke marrë një dhuratë speciale nga skuadra e tij e preferuar e futbollit dhe nuk ka nguruar ta zbulojë këtë edhe për ndjekësit e tij. Menjëherë pas këtij postimi, në llogarinë e Arditit kanë mbërritur të tjera urime nga të gjithë dashamirësit dhe fansat e moderatorit.
Kujtojmë se mëngjesin e sotëm Gjebrea mori dhe urimin më të veçantë nga djali i tij, Jon Gjebrea, i cili e ka quajtur ndryshe figurën e dashur të babait, heroin e jetës së tij./revistawho.com
