Ditën e djeshme moderatori i njohur për publikun shqiptar, Ardit Gjebrea festoi 56-vjetorin e tij. Midis shumë urimesh që mbërritën në llogarinë e ‘Instagram-it’ të kantautorit, Gjebrea veçoi disa prej mesazheve të cilat ishin të shkruara me shumë dashuri dhe vlerësim nga familjarët dhe miqtë më të afërt të tij.
Ndërsa ish-kolegia e parë televizive e Arditit në programin e së dielës shqiptare, Arteniza Ozaj, ka zgjedhur ta urojë sot me anë të një fotoje të 11 viteve më parë krah së cilës ka shkruar: “Një foto të papublikuar asnjëherë nga pushimet tona në vitin 2008. Zgjodha sot sepse doja të bëja një urim për një njeri shumë të veçantë. Je inspirim për këdo që të njeh. Jam njeri shumë me fat që kam punuar e ty dhe kemi ndarë momente shumë të bukura familjare së bashku. Njerëz si ty dhe si @anilagjebrea janë shumë të rrallë. Ju dua shumë dhe të uroj vetëm të mira. Artist si ty në të gjithë kuptimet i duhen këtij vendi”.
Duke u kthyer pas në kohë me këtë pamje ku dallohet se moderatorët kanë udhëtuar me të dashurit e tyre, Artenisa ka zgjedhur të shprehë mirënjohjen për punën e realizuar krah Gjebreas dhe ta urojë njëherazi për ditëlindjen e tij.
Kujtojmë se Ozaj ka qenë figura e parë publike, e cila ka drejtuar së bashku me Arditin ‘E diela shqiptare’. Pas saj, personazhe të tjerë të njohur të ekranit janë bërë pjesë e prezantimit të programit më të dashur popullor, i cili vjen çdo të dielë në ekranin e ‘Tv Klan’, duke ofruar një larmishmëri rubrikash./revistawho.com
