Kylie Jenner publikoi një ditë më parë në llogarinë e saj në ‘Instagram’ një video të vajzës së vogël, Stormi, duke qeshur dhe belbëzuar gjatë një seti fotografik. Ajo çfarë ka tërhequr vëmendjen e ndjekësve të miliarderes së famshme ka qenë komenti i Sofia Richie, të dashurës së ish-kunatit të Jenner.
“Nuk mundem”,- ka shkruar modelja 20-vjeçare bashkangjitur videos ku dallohet se Stormi kishte veshur një palë paliçeta në ngjyrë të bardhë, të zbukuruara me motive florale, duke treguar se ishte “fiksuar” pas vajzës. Menjëherë pas këtij momenti, në postimin e Kylie-t nuk ka munguar dhe komenti i Kourtney Kardashian dhe Chrissy Teigen, duke shprehur hapur dashurinë që kanë për vogëlushen.
Edhe pse Sofia Richie është në një lidhje me ish-partnerin e Kourtney Kardashian, mund të themi se nga komenti i lënë në video, marrëdhëniet e saj me familjen Kardashian janë shumë të mira dhe të afërta. Kujtojmë se më parë, ish-partneri i Kourtney, Scott Disick, është shprehur se e dashura e tij nuk ka asnjë zgjidhje tjetër përveçse ta pranojë raportin që ai ruan me familjen e famshme./revistawho.com
https://www.instagram.com/p/BybhIc2HzfV/
