Puntata e sotme e emisionit ‘E Diell’ në ‘Top Channel’ ka pasur të ftuar specialë një nga çiftet më të pëlqyera të showbiz-it shqiptar. Mihrije Brahja dhe Naim Abazi janë bërë pjesë e lojës ‘Këndi i së vërtetës’, por ndryshe nga si jemi mësuar ta shohim më parë, ku pyetjet provokuese ia drejtojnë moderatorët të ftuarve, këtë herë çifti i këngëtarëve ia ka drejtuar njëri-tjetrit. Ata kanë treguar se edhe pas 20 vitesh martesë, kimia dhe dashuria mund të vazhdojë të ekzistojë mes një çifti. Një nga pyetjet ‘spec’ drejtuar Naimit nga Mihrija ishte: “Të pëlqej më shumë e veshur apo e zhveshur?”. Pak në siklet, këngëtari ia ka kthyer me humor duke i thënë: “Të zhveshur të pëlqej gjithmonë, por kur dalim jashtë vishu”. Kaq është dashur që publiku dhe vetë të ftuarit të shpërthejnë në të qeshura. Ndër të tjera, Mihrija ka zbuluar dhe se në kohët e vështira të luftrave në Kosovë, bashkëshorti i saj ka qenë gjithmonë mbështetja e saj. Në fundin e intervistës, Mihrije dhe Naimi janë vënë sërish në lojë nga Ervin Kurti. Ai i ka ‘detyruar’ ata të kërcejnë për njëri-tjetrin. Naimi një kërcim të stilit ‘hip-hop’, ndërsa Mihrija ‘belly dancing’. Edhe pse ndryshe nga herët e tjera, duket se kjo intervistë është shijuar në maksimum nga stafi i ‘E Diell’, nga publiku, por sigurisht dhe nga vetë çifti./revistawho.com
