Kujtim Gjuzi është një nga deputetët më të rinj në Shqipëri, i cili po kthehet shpejt ndër më të komentuarit për shkak të deklaratave të tij mediatike. Gjuzi është kryetari i Partisë Konservatori dhe është bërë pjesë e saj pas djegies së mandateve të partisë demokratike. Ditën e sotme, ai ka qenë i ftuar në emisionin ‘E Diell’ në ‘Top Channel’, ku përveç ideve të tij konservative, ka folur pak dhe mbi çështjet e zemrës. “Gruaja të ka frikë apo të respekton?”, e ka pyetur Einxhel Shkira. “Të them të drejtën ajo është drejtoreshë kardiologe dhe kur mendon me zemër nuk ka frikë fare. Kur fillon futet te studimet akademike të kardiologjisë, në volumet 6000 faqe, aty fillon kupton si punon zemra. Kur e njoha në fillim më tha: ‘Unë do e rregulloj zemrën tate’. Unë jam këtu me ju, jam i buzëqeshur”, është shprehur Kujtimi. Moderatorët e tjerë e kanë pyetur gjithashtu në lidhje me mendimet e tij konservatore dhe Gjuzi nuk ka hezituar t’i ndajë ato me publikun. Në lidhje me meshkujt që preferojnë veshje në ngjyrë rozë, ai tha: “Nëse meshkujt bëhen liberal, thotë Churchill, kanë një rrezik të bashkohen me meshkujt e tjerë. Prandaj unë zgjodha të bëhem konservator pas moshës 33 vjeç”. Përsa i përket femrave që flasin lirshëm për jetën e tyre intime, sipas tij ato “janë larguar nga planeti i errësirës”. Sigurisht gjatë intervistës nuk kanë munguar dhe komentet e tij mbi disa nga figurat më të njohura politike./revistawho.com
