Kjo periudhë nuk ka qenë aspak e qetë për çiftin më të ri të ‘showbiz-it’, Hana Cross dhe Brooklyn Beckham. Pak javë më parë dy të rinjtë u shfaqën duke u zënë me njëri-tjetrin në restorant në Kanë dhe u desh ndërhyrja e policisë që t’i ndante. Pas kësaj situate të gjithë menduan se ata do i jepnin fund lidhjes, por tani Hana dhe Brooklyn janë bashkuar sërish. Ata të dy janë shfaqur ditën e djeshme shumë të dashuruar gjatë pushimeve të tyre në Los Angeles.
Në disa foto të publikuara nga modelja 22-vjeçare, ku të dy shfaqeshin të lumtur përkrah njëri-tjetrit, çifti provuan se dashuria mes tyre është forcuar akoma dhe më shumë.
Madje Brookyn nuk ka qenë i pranishëm në një pagëzim të familjes së tij, për të kaluar më shumë kohë me Hana-n. Javën e kaluar David Beckham i ka kërkuar Brooklyn të hiqte dorë nga lidhja me modelen, por duket se 20-vjeçari nuk e ka ndërmend ta bëjë këtë gjë. Kujtojmë se Hana dhe Brooklyn e kanë nisur lidhjen e tyre që vitin e kaluar, por vetëm pak kohë më parë vendosën të shfaqeshin publikisht bashkë. /revistawho.com
