Jeta e Morena Tarakut në Turqi është e rrethuar nga luksi dhe këtë këngëtarja nuk e fsheh aspak. Ajo publikon shpeshherë foto ku zbulon pamje nga vendet e shtrenjta që viziton, makinat luksoze, si dhe veshjet e firmave të njohura. Morena ka qenë gjithmonë aktive në rrjetet e saj sociale, por së fundmi ajo nuk ka publikuar shumë foto dhe arsyeja e kësaj mund të ketë qenë zhvendosja në shtëpinë e re. Ajo ka dhënë lajmin për shtëpinë e re nëpërmjet një fotoje në ‘Instastory’, ku dhe ka zbuluar dhuratën e parë nga një mik i saj. Bëhet fjalë për një tufë të madhe me lule në ngjyrë rozë dhe në pusullë shkruan: “Të uroj ditë të lumtura, të shëndetshme dhe me dashuri në shtëpinë tënde të re”. Këngëtarja ka vendosur të mos zbulojë më tepër detaje nga shtëpia, megjithatë jemi të sigurt që gjithçka do të jetë e mobiluar sipas stilit modern./revistawho.com
