Victoria Beckham zbulon sekretin për lëkurë perfekte: Gjithçka nis nga kuzhina

Pavarësisht kalimit të viteve Victoria Beckham vazhdon të mbetet po e njëjta në fytyrë dhe duket se pas kësaj ka një sekret. Pak ditë më parë në një intervistë për “The Edit”, stilistja e njohur ka zbuluar se sekreti për një lëkurë të freskët dhe të lëmuar nis nga kuzhina. “Unë takova një doktor në Los Angeles, që quhet Harold Lancer, i cili është i jashtëzakonshëm. Unë e njoh prej vitesh dhe ai më caktoi se çfarë lloj lëkurë kam. Unë kam pasur një lëkurë shumë problematike dhe doktori më tha: ‘Duhet të konsumosh salmon çdo ditë, mëngjes, drekë ose darkë”, ka treguar Victoria. Kjo mund të duket disi e çuditshme, por pas kësaj ka dhe një shpjegim shkencor. Salmoni dhe të tjerë peshq me yndyrë janë të pasur me acide yndyrore omega-3 dhe vitaminë A dhe C. Gjithashtu studime të shumta kanë treguar se ka një lidhje mes konsumimit të peshqve dhe lëkurës së shëndetshme. Një studim i publikuar në “European Journal of Dermatology” tregoi se ata që kishin një dietë të pasur në peshk dhe perime kishin më pak akne në fytyrë. /revistawho.com