Enca Haxhia është një nga personazhet më aktive në rrjete sociale, e cila herë pas here publikon foto personale, qofshin këto provokuese ose jo. Një nga tiparet dalluese të saj janë flokët e gjata deri tek vithet dhe shumë të drejta, një tipar që do e kishin zili një pjesë e madhe e femrave. Së fundmi, ajo ka publikuar në ‘Instastory’ një foto ku tregon komentin e një prej ndjekësve të saj. “Kujdes me ato flokë se na i shpife duke i kapur çdo 2 sekonda, priti fare dhe je më rehat”, i shkruan ajo, ndërsa Enca ia kthen vetëm me një: “U mërzite ti?”. Më pas ka vazhduar me një koment për të sqaruar të gjithë fansat dhe në një farë mënyre për t’i ‘mbyllur gojën’. “Kushdo që bezdiset nga flokët e mi se ka pasur kurrë fatin/hallin të ketë flokë të gjatë dhe të dendur, sidomos gjatë xhirimeve. Kështu që më lër mua dhe flokët e mi të mrekullueshëm rehat”, shkruan këngëtarja. Kjo nuk është hera e parë që Enca kritikohet nga fansat e saj në lidhje me pamjen, por ajo e ka gjithmonë gati një përgjigje për ta./revistawho.com
