Katy Perry dhe Taylor Swift i kanë dhënë përfundimisht fund armiqësisë së tyre. Perry tregoi përmes ‘Instagram-it’ të saj se tashmë me Taylor ka krijuar sërish raporte të mira. Sot Taylor ka publikuar videoklipin e saj më të ri “You need to calm down” dhe në të shfaqet edhe Katy. Perry shihet e veshur si një hamburger që kërkon patatet e saj, kostum të cilin e mban veshur Swift.
Katy publikoi në ‘Instagram’ një foto në të cilën Taylor shihej duke e përqafuar, për të treguar edhe njëherë tjetër se ato kanë bërë paqe me njëra-tjetrën.
Problemet mes dy artisteve nisën kur Swift deklaroi në 2012-tën se Perry i kishte marrë tre nga kërcimtarët e saj nga turneu “Red Tour”. Më pas në vitin 2014 Taylor publikoi këngën “Bad Blood”, për të cilën të gjithë njerëzit dyshuan se ja dedikoi Katy-t. Megjithatë tashmë është e qartë se dy këngëtarët e kanë lënë të shkuarën pas dhe janë gati t’ja nisin gjithçkaje nga e para. /revistawho.com
