Pavarësisht se prej kohësh ka qenë larg ‘Instagram-it’, Rob Kardashian ka qenë gjithmonë aktiv në rrjetin social ‘Twitter’. Së fundmi, ai ka publikuar një foto me vajzën e tij Dream në ditën e baballarëve dhe këngëtarja e njohur latine, Natti Natasha, i ka bërë atij një kompliment dhe ka shkruar: ‘Shihemi së shpejti’. Kjo gjë e ka ‘bezdisur’ disi motrën e tij, Khloe dhe kjo e fundit nuk ka hezituar të reagojë. “Çfarë po ndodh Rob? Kush është kjo vajzë”, ka shkruar ajo në ‘Twitter’. “Të njoh gjë?”, ia ka kthyer Rob, duke shkaktuar kështu të qeshura tek ndjekësit. Batutat midis njëri-tjetrit kanë vazhduar edhe më shumë, por duket se gjithçka ka qenë një shaka mes tyre. Rob dhe Khloe kanë pasur gjithmonë një marrëdhënie shumë të ngushtë dhe këto shaka mund të quhen të zakonshme mes tyre./revistawho.com
