Vesa Luma dhe Big Basta prej 3 vitesh kanë kurorëzuar me martesë dashurinë e tyre. Çifti i njohur në shtator të këtij viti festojnë përvjetorin e katërt të martesës, që mbahet mend si një nga ceremonitë më të bukura të dasmave VIP. Siç duket Vesa është gati të martohet edhe njëherë me partnerin e saj, madje i ka propozuar publikisht Big Bastës. Këngëtarja ka publikuar në ‘Instagram’ një foto në të cilën shihet se ka bërë një ‘make up’ të lehtë dhe ka rregulluar flokët dhe i kërkon Big Bastës të martohen. “A martohemi prapë Big Basta?”, ka shkruar Vesa bashkangjitur fotos.
Sigurisht që e gjithë kjo mbetet në kuadrin e shakasë, por megjithatë tregon që marrëdhënia mes të dyve është forcuar akoma dhe më shumë me kalimin e viteve. Dyshja e njohur pak javë më parë u bashkuan si familje, pasi prej një kohe të gjatë jetonin larg njëri-tjetrit. Megjithatë Big Basta u largua sërish për të vazhduar punën në Zelandën e Re, ndërsa Vesa qëndroi në Prishtinë. Kujtojmë se çifti i njohur janë edhe prindër të një djali të quajtur Lian. /revistawho.com
