Në fillim të këtij viti Samanta Karavello publikoi këngën e saj “Vonë” në bashkëpunim me Elinel, që edhe pse kanë kaluar disa muaj vazhdon të mbetet hit. Kënga është pritur mjaft mirë nga publiku dhe duket se me të njëjtën Samanta do të tentojë të përfshihet në tregun ndërkombëtar. Ditën e sotme ajo ka treguar se së shpejti do të sjellë versionin anglisht të kësaj kënge, i cili do të jetë projekti i saj i parë internacional. Për këtë version të ri të këngës “Vonë”, që tani do të mbajë titullin “My heart’s song”, Samanta ka punuar me kompaninë e njohur “Panik Entertainment Group” që merret kryesisht me menaxhimin e artistëve grek, duke përfshirë dhe Eleni Foureira.
https://www.instagram.com/p/By8DmNKDOPr/
Këto kohë Samanta nuk ka qenë shumë aktive në muzikë, por ky projekt i fundit shpjegon gjithçka. Artistët shqiptarë e dinë shumë mirë çfarë vlere ka industria e muzikës botërore, ndaj Samanta nuk është e para këngëtare që tenton për suksesin në këtë treg. /revistawho.com
