Disa muaj më parë konfliktet midis pjesëtarëve të grupit të ‘Babastars’ tërhoqën vëmendjen e të gjithë ndjekësve dhe bënë xhiron e rrjetit. I pari që foli publikisht lidhur me situatën në grup ishte menaxheri, Albert Krasniqi dhe më pas Cozman dhe Agon Amiga. Në fillim të këtij viti Cozman i quajti pjesëtarët e grupit të shtirur, ndërsa Agon Amiga publikoi një projekt të ri, një frazë e tekstit të së cilës dyshohej se ishte dedikuar ish-mikut të tij, Getoar Selimi.
Megjithatë pas shumë përplasjeve, duket se marrëdhënia e reperëve ka ndryshuar dhe se konfliktet midis tyre janë sheshuar. Këtë e ka zbuluar fakti se dy këngët e fundit të sjella nga Cozman me titull ‘You know me’ dhe Agon Amiga ‘Bobi’ janë publikuar në kanalin zyrtar të grupit të ‘Babastars’ në ‘Youtube’.
Cozman ka publikuar gjithashtu një foto krah Dj të grupit, Marshall Jungle, duke treguar se gjërat kanë ndryshuar deri diku tashmë. Asnjë prej artistëve nuk është prononcuar lidhur me këtë situatë, por siç duket djemtë kanë zgjedhur t’i rregullojnë gjërat në qetësi./revistawho.com
