Joe Jonas dhe Sophie Turner i dhanë fund beqarisë në Las Vegas pak kohë më parë, në një dasmë shumë të fshehtë. Por kjo nuk është e gjitha. Çifti prej kohësh ka planifikuar se dasma e vërtetë do të organizohet në Francë, me një numër të madh të ftuarish, me shumë lojëra të organizuar me familjarët dhe miqtë, si dhe me performanca speciale të 3 vëllezërve, grupit ‘Jonas Brothers’. Përpara dasmës, Joe dhe Sophie kanë vizituar Francën dhe kanë ndarë me ndjekësit e tyre një foto ku shfaqen shumë pranë njëri-tjetrit, ndërsa mbrapa tyre duket qartë kulla ‘Eiffel’. Fotoja ka marrë shumë komente nga fansat dhe miqtë e dyshes, por nuk ka munguar dhe komenti i kuntës së Sophie, Priyanka Chopra, e cila flitet të ketë një marrëdhënie shumë të ngushtë me këtë të fundit./revistawho.com
https://www.instagram.com/p/BzBcopOhEQ7/?igshid=1pap0low9mzq0
