Së fundmi Kim Kardashian ka lançuar linjën e re të produkteve të saj të bukurisë, ku përfshihet një krem trupi, i cili mbulon çdo shenjë. Kremrat e trupit janë në ngjyra të ndryshme, për t’u përshtatur me çdo lloj lëkure. Kim ka treguar se ky është një nga produktet e saj të preferuara, duke qenë se i mbulon edhe shenjat më të vogla. “E përdor këtë kur dua të mbuloj shenjat e psorias ose të përmirësoj ngjyrën e lëkurës. Lëkura ime nxihet shpejt dhe unë kam shumë vena në lëkurë dhe ky krem ka qenë sekreti im për mbulimin e tyre prej dekadash. Unë kam mësuar të jetoj me të dhe të mos ndjej pasiguri për shkak të psorias”, ka thënë Kim në një postim të sajin në ‘Instagram’.
https://www.instagram.com/p/BytDsfNAP5r/
Megjithatë ajo ka treguar se kjo është një zgjedhje personale, sepse askush nuk duhet të ndjehet keq për shenjat që mund të ketë në trup. Gjithsesi as këto fjalë nuk i kanë ndaluar ndjekësit në rrjete sociale të shpërthejnë në komente negative kundër Kim. Ata thonë se nëpërmjet këtyre produkteve Kim do të përcjellë mesazhin se lëkura jonë natyrale nuk është aq e mirë, prandaj shenjat e saj duhen mbuluar. Megjithatë të tilla komente nuk e kanë ndaluar Kim të vazhdojë të promovojë produktet e saj, për të cilat ndjehet aq krenare. /revistawho.com
