Ditën e sotme Rozana Radi ishte e ftuar speciale në emisionin “Rudina” së bashku me mbesën e saj, Nicole. Të dyja folën për raportin e ngushtë që kanë, sepse tashmë Nicole është e rritur dhe ato janë kthyer në miket më të mira të njëra-tjetrës. Rozana ka treguar se Nicole është shumë e ngjashme me të, sepse kanë të njëjtin karakter dhe pasion së bashku. Më tej gjatë bisedës ajo foli edhe për pjesën tjetër të familjarëve, sidomos për ata që janë ndarë nga jeta. Ajo ka treguar se një nga pengjet e saj më të mëdha është mungesa e një bashkëpunimi me xhaxhain e saj Françesk Radin që ka ndërruar jetë 2 vite më parë.
Pas kësaj Rozana u surpriza nga një videomesazh nga bashkëshortja e kantautorit i ndjerë, Tefta Radi. Ndër të tjera spikerja ikonë u shpreh: “E di që të ka mbetur peng një duet i parealizuar me Frankon, por unë mendoj se e ke. Ke këngën ‘Biçikleta’ të ‘Festivalit të Këngës’. Kemi shumë për të kujtuar Rozi, familjen e madhe ku jetonim bashkë, plot humor, me sofrën e shtruar plot dhe këngët shkodrane të kënduara me aq dashuri. Sa të lumtur ishim, shumë nostalgji për pjesën më të bukur të jetës”. Rozana u përlot nga fjalët e Teftës dhe tregoi se i mungon shumë jo vetëm asaj por dhe gjithë shqiptarëve që i ka shoqëruar prej vitesh figura e saj në televizion.
Rozana Radi ka folur shpeshherë në publik për familjarët e saj dhe ka treguar se pavarësisht vështirësive të jetës ja ka dalë shumë mirë mbanë e vetme. /revistawho.com
