Beatrix Ramosaj ka shfrytëzuar profilin personal në ‘Instagram’ për të ndarë me të gjithë ndjekësit një shqetësim që ka përjetuar mbrëmjen që lamë pas. Ajo është shfaqur shumë e shqetësuar teksa shkruan: “Kam përjetuar paralizë në gjumë, mbrëmjen që shkoi për herë të dytë në jetën time dhe është gjëja më e tmerrshme që kam provuar ndonjëherë. Kjo gjë nuk është shaka. Nisa të dëgjoja zëra dhe nuk mund të bërtisja apo të lëvizja trupin, por vetëm sytë. Isha shumë e frikësuar dhe nuk munda të fle për orë të tëra”.
Pas një kërkimi në internet zbuluam se ‘paraliza e gjumit’ është një fenomen që ju ndodh shumë njerëzve dhe nga mjekët trajtohet si serioze në disa raste të veçanta. Sipas shpjegimeve të specialistëve, ajo shkaktohet kur një person kalon në faza të ndryshme të gjumit dhe dobësisë së trupit. Zakonisht lidhet me çrregullimet e gjumit dhe ‘narkolepsinë’ që njihet si një problem neurologjik. / revistawho.com
