Robert Berisha i habiti të gjithë me një deklaratë të tijën pak ditë më parë, ku tregoi se me kë artiste nuk do të bashkëpunonte asnjëherë. Ai përmendi emra si Tayna, Tuna, Remzie Osmani dhe Era Istrefi, për të cilat ditën e sotme ka treguar se ishin emra rastësorë. I ftuar në ‘Wake Up’ ai zbuloi se me kunatën e tij, nuk do të bënte dot kurrë një bashkëpunim për shkak të kontratës që ajo ka lidhur me menaxherët e ‘Ultra Sonic’, të cilët nuk ja lejojnë çdo lloj bashkëpunimi.
“S’e besoj që do të ndodhë ndonjëherë. Kjo pasi Era ka një kontratë me një label që është shumë i njohur, ‘Ultra Sonic’. Edhe zhanrin nuk e kemi të njëjtë kështu që nuk e besoj se do të ndodhë ndonjëherë”,- u shpreh Roberti mëngjesin e sotëm në program, duke hedhur poshtë zërat për një prishje të marrëdhënies së tyre.
Për shkak të angazhimeve të saj të shumta në muzikë, Era Istrefi jeton prej disa kohësh midis Amerikës dhe Shqipërisë, por pavarësisht kësaj ajo ka treguar shpesh herë në rrjete sociale se vazhdon të ruajë një raport shumë të ngushtë me motrën e saj, Norën, Renee dhe Robertin./revistawho.com
