Ditën e sotme shefi i njohur i kuzhinës, Alfio Rrotani feston 30-vjetorin e lindjes dhe surprizën më të bukur e ka marrë nga familjarët dhe partnerja e tij, Fatma Methasani. Alfio prej disa vitesh jeton në Shqipëri, ndërsa pjesa tjetër e familjes në Itali ndaj në këtë datë të shënuar ata nuk mund të jenë pranë njëri-tjetrit. Megjithatë ata kanë gjetur mënyrën më të bukur për ta surprizuar Alfion dhe për t’i dhuruar emocione. Familjarët e shefit të kuzhinës kishin përgatitur një video të shkurtër me urimet e tyre për ditëlindje dhe duket se kjo e ka prekur shumë Alfion. “Kam qarë 30 minuta fiks. Përsëri jam njeriu më me fat dhe më i lumtur në botë”, ka shkruar Rrotani bashkangjitur videove.
Por surprizat nuk ka mbaruar me kaq, sepse dhe Fatma kishte përgatitur diçka speciale. Ajo ka publikuar në ‘Instagram’ një video të shkurtër në të cilën shihet se ka zbukuruar gjithë shtëpinë për ditëlindjen e Alfios. Përkrah videos moderatorja ka shkruar: “Dashuria e madhe”.
Fatma dhe Alfio kanë pak kohë që jetojnë bashkë në një shtëpi dhe deri më sot ata kanë treguar se bashkëjetesa ka shkuar shumë mirë. Dyshja e njohur e pranuan lidhjen e tyre publikisht në tetor të 2018-tës dhe janë bashkë prej 2 vitesh. /revistawho.com
