Sophie Turner dhe Joe Jonas u martuan dy herë, në dy ceremoni që ishin shumë private dhe padyshim të bukura. Fundjavën që shkoi, në Francë, dy të dashuruarit u betuan për dashuri të përjetshme dhe vetëm pas ceremonisë nisën të publikohen detajet e para.
Së fundmi aktorja dhe bashkëshorti i saj kanë nisur muajin e mjaltit dhe me anë të një fotoje të publikuar në ‘Instagram’ më në fund kemi një pamje të qartë të unazës së Sophie. E madhe, e shndritshme dhe me një diamant që merr gjithë vëmendjen, kjo unazë padyshim do analizohet shumë në media.
Sophie dhe Joe janë prej kohësh të dashuruar dhe finalizimi i dashurisë me martesë duket se është fundi i lumtur për ta. /revistawho.com
