Ditën e djeshme Khloe Kardashian publikoi në ‘Instagram’ një video, në të cilën vajza e saj shihej duke luajtur me një makinë të vogël të markës së njohur “Bentley”. Pavarësisht se makina ishte thjesht një lodër, dikush nga fansat nuk ka ngurruar ta kritikojë publikisht Khloe-n për blerjen që ka bërë për vajzën e saj. “Shumë bukur, një tjetër Kardashian në ‘Bentely’. Ju nuk e vini re se si duken këto blerjet e tuaja të shtrenjta në botën jashtë. Unë e kam dashur vërtetë historinë e familjes suaj, por tani nuk mund të shikoj se si ju harxhoni gjithë këto para për materializëm të kot. Është kaq e trishtueshme”, ka shkruar personi në fjalë. Pas këtij komenti Khloe nuk ka qëndruar e heshtur, por i ka kthyer përgjigje ndjekësit të saj me shumë mirësjellje. Si fillim ajo i ka përmendur faktin se makina është thjesht një lodër dhe nuk ka asgjë për t’u trishtuar. Më pas i ka kujtuar se ajo punon fort dhe se mund t’i marrë çfarëdolloj gjëje vajzës së saj.
“Unë nuk jam këtu për të provuar se çfarë bëj unë apo nuk bëj. Por unë mund të them se jam e aftë ta shikoj veten time në pasqyrë dhe të fle e qetë natën. Jam e aftë ta bëj këtë gjë, sepse e di që jam një njeri i mirë dhe jeta është e gjitha për balancë. Po, unë zgjedh ta dëmtoj vajzën time. Unë dua ta dëmtoj atë me dashuri dhe po ashtu dhe me gjëra materiale. Ajo do të rritet gjithashtu me vlera, përgjegjësi, detyra, respekt dhe dashuri për veten”, ka thënë ndër të tjera Khloe. Pas kësaj ajo ka marrë mbështetjen e shumë fansave, të cilët thoshin se nuk ka nevojë t’i japë askujt shpjegime për jetën e saj. /revistawho.com
