Premiera e filmit ‘Lion King’ bëri bujë kudo në media, kjo pas takimit të Beyonce dhe Jay Z me çiftin mbretëror, Princ Harry dhe Meghan Markle. Dy çiftet janë shfaqur të afërt me njëri-tjetrin dhe sigurisht kanë tërhequr vëmendje me pamjet e tyre të kuruar deri në detaje, por mesa duket dy këngëtarët kanë thyer rregullat mbretërore, ndoshta pa vetëdije, duke u paraqitur në premierë pas ardhjes së Meghan dhe Harry, gjë që ka tërhequr dhe vëmendjen e publikut të pranishëm, duke bërë kështu që emri i tyre të brohoritej më shumë se emri i dukës dhe dukeshës. Ndërkohë në disa video të publikuara në rrjete sociale, Beyonce dëgjohet duke iu drejtuar Meghan-it si ‘Princesha ime’ dhe duke shprehur dashamirësinë e saj për vogëlushin Archie./revistawho.com
