Modelja e njohur, Vildane Zeneli ka qenë mbrëmjen e kaluar në emisionin ‘N’drrimi i natës’ me Alaudin Hamitin. 32-vjeçarja ka treguar detaje të ndryshme nga jeta e saj dhe nuk ka ngurruar t’i përgjigjet pyetjeve të bëra nga moderatori, ndonëse gjatë sekuencës ‘Haje ose Thuaje’, e pyetur rreth jetës private, Vildane preferoi mos të flasë.
“Nuk kam folur kurrë dhe nuk dua të flas për të, prandaj po ha”, ka qenë përgjigja e parë që ka ardhur nga Vildane, duke iu shmangur pyetjes së marrë. Mirëpo me insistimin e Alaudinit, Zeneli ka arritur të zbulojë disa detaje. “Kemi qenë 4 vite të lidhur dhe vitin e kaluar u ndamë. Por ende flasim si të ishim bashkë”, ka deklaruar ajo. Ndryshe nga çdo dalje tjetër publike, Zeneli ka zbuluar këtë detaj për lidhjen e saj.
Kujtojmë se deri më tani modelja është përpjekur ta mbajë larg vëmendjes së mediave jetën e saj private, për të cilën ka vendosur të flasë shumë pak gjithmonë./revistawho.com
