Albana Osmani ka zhvilluar një bashkëbisedim me ndjekësit e saj duke ju përgjigjur pyetjeve të tyre në ‘Instagram’, e duke zhvilluar kështu një intervistë virtuale. Një prej tyre lidhej me ‘Digitalb’, konkretisht me koncertin që mblodhi në shesh mijëra njerëz për të festuar 15 vite histori. Shumë ndjekës të moderatores duket se kanë qenë kuriozë për faktin që ajo nuk ishte e pranishme në koncertin e mbrëmjes që kaloi. “I uroj shumë suksese. Histori e shkruar. Platforma që mblodhi bashkë gjithë shqiptarët. Gëzohem që isha një dritë e llambës së madhe që foli shqip kudo. Suksese më tej”, u përgjigj ajo.
Albana ka zbuluar gjithashtu se shumë shpejt do ketë surpriza nga ajo, të cilat sigurisht lidhen me televizionin. Kujtojmë se moderatorja pranoi se është larguar nga ‘Top Channel’ pak kohë më parë, duke u shprehur se është një kapitull i mbyllur. / revistawho.com
