Një javë më parë, Ermela Mezuraj, fituesja e ‘Big Brother’, u bë pjesë e ‘Doktor Plastik’ ku iu nënshtrua operacionit të gjoksit. Tani, në edicionin e radhës, do të shohim rastin e një tjetër personazhi publik. Bëhet fjalë për koreografen e njohur, Kozeta Bakiu, e cila në promon e emisionit shprehet se do të bëjë një ndërhyrje kirurgjikale në zonën e barkut. Pranë saj, si shoqëruese, do të jetë edhe prima balerina, Elona Nallbani, e cila përveç se kolegia e saj, është edhe mikesha e ngushtë. Në videon e publikuar në kanalin e ‘Tv Klan’ në “Youtube” nuk zbulohet asnjë detaj më shumë, kështu që nuk na mbetet asgjë tjetër përveç se të presim transmetimin e emisionit për të parë rezultatin përfundimtar./revistawho.com
