Kim Kardashian: Jetova mes turpit, por vendosa të vazhdoj përpara. Mos më gjykoni për videon e para 13 viteve

E lodhur nga paragjykimet, Kim Kardashian ka shpërthyer kundra të gjithëve në ditën ndërkombëtare të femrave. Dhe sigurisht gjëja më e rëndësishmë mbetet që femra të flasë për vetveten dhe mbi të gjitha dëgjohet. Ja çfarë shkruan Kim Kardashian në ‘Twitter’: “Hej njerëz. Doja të ndaja me ju një përmbledhje të asaj çka thashë në ‘Twitter’ mbrëmë. Seriozisht, nuk e kam kuptuar kurrë se pse njerëzit bezdisen kaq shumë me atë çka zgjedhin të tjerët të bëjnë me jetën e tyre. Unë nuk drogohem, nuk pi, kurrë nuk kam bërë një krim dhe gjithsesi jam një shembull i keq sepse jam krenare për trupin tim. Duket se gjithmonë muhabeti vërtitet rreth videos së seksit, që është bërë 13 vite më parë. 13 vite më parë. U bë kaq kohë dhe njerëzit flasin përsëri për të. Jetova mes turpit dhe frikës, dhe vendosa të them kujt i intereson. Ec përpara. Bëj më mirë. Nuk do doja që gjithë kohën të mbrohesha, duke listuar arritjet e mia, vetëm që ju të kuptoni se nuk jam më i njëjti person i 13 viteve më parë. Lëreni të shkojë, ashtu si kam bërë unë. Marr forcë nga trupi im, nga seksualiteti im, nga të ndjerit mirë me lëkurën time. Marr forcë nga të treguarit botës të metat e mia dhe mos të kem frikë se çfarë do mendojnë të tjerët. Ndihem e fortë dhe për shkak të bashkëshortit tim, i cili më mbështet dhe më bën të kem besim në vete. Ai më do për këtë që jam dhe më lejon të jem vetvetja. Ndihem me fat që jam e rrethuar me femra të fuqishme dhe të pavarura. Mësimet që kam marrë nga mamaja ime, nga gjyshja dhe motrat e mia do ia pasoj vajzës sime. Dua të jem krenare për të. Unë dua që ajo të jetë rehat me trupin e saj. Nuk do doja që ajo të rritej në një botë që të bën të ndihesh e pavlerë, vetëm sepse je femër. Jemi në 2016 dhe mjaft me paragjykime. Nuk do e jetoj jetën time si të doni ju. Jini vetvetja dhe më lini dhe mua të jem. Unë jam nënë. Jam grua, jam motër, vajzë dhe sipërmarrëse. Kam të gjithë të drejtën për t’u ndjerë seksi. Gëzuar ditën ndërkombëtare të femrave”.