Nichole Scherzinger është një nga këngëtaret më të famshme të ‘Hollywood’, e cila përveç karrierës së saj muzikore, njihet edhe për pamjen fizike të kuruar deri në detaje. Së fundmi, ajo ka publikuar në ‘Instastory’ disa video ku shfaqet në palestër, duke treguar kështu një pjesë të ushtrimeve që ajo bën. Çfarë ra në sy, ishte muzika e reperit shqiptar, Gashit, që dëgjohej në sfond. “Qëndroni të motivuar. ‘My Year’ nga Gashi”, ka shkruar Nicole, duke promovuar kështu muzikën e tij. Ky veprim duket se e ka emocionuar Gashin, pasi të njëjtën video e ka publikuar dhe ai. ‘My Year’ u publikua pak kohë më parë, në bashkëpunim me reperin G-eazy dhe deri tani, kjo këngë duket se ka marrë mbështetjen e shumë artistëve të mëdhenj./revistawho.com
