Ermal Mamaqi është një nga moderatorët më të njohur në Shqipëri, por jeta e tij private gjithmonë mbetet e tillë. Ai së bashku me Amardën janë munduar t’i mbajnë sa më larg mediave fëmijët e tyre, sidomos vajzën, pamjen e së cilës e publikuan në 1-vjetorin e saj. Ditën e sotme, Ermali ka publikuar një video të 2 fëmijëve të tij duke luajtur së bashku, por djali i tij duket se nuk kujdeset fare për vogëlushen Sia. Teksa hidhen dhe luajnë së bashku, duke qenë se është më e vogël, Sia rrëzohet, por Joeli nuk ndalon së luajturi, ndërsa në sfond dëgjohen dhe reagimet e Amit. “Hë kush bën më shumë? Motra për vllai? Apo vllai për motrën? Duket rezultati me këta tuçat e mi. Dhe e ëma e tyre thotë: -hiii uaa”, ka shkruar moderatori krahas videos, gjë që ka shkaktuar akoma më shumë të qeshura tek fansat e tij. Kujtojmë se Ermali ka përfunduar sezonin e dytë të ‘Xing me Ermalin’ dhe duket se gjithë kohën e lirë po e kalon pranë familjes së tij./revistawho.com
https://www.instagram.com/p/B0JIS-6hfXC2XOpUwaAltNO06LXwA1HQNBRAsQ0/?igshid=12i0ix0hiv94x
