Camila Cabello është shumë e re në moshë, por deri më sot ka korrur një sukses të jashtëzakonshëm fal punës dhe talentit të saj. Megjithatë rruga drejt suksesit për të nuk ka qenë aspak e lehtë, sepse shpesh i është dashur të sfidojë veten. Në një postim të fundit në ‘Instagram’, këngëtarja 22-vjeçare ka treguar për vështirësitë e saj me ankthin dhe të performuarit përpara një publiku. “Asnjëherë nuk kam kënduar përpara prindërve apo miqve të mi dhe gjithmonë ndjehesha keq kur ata më kërkonin të këndoja. Kur prindërit e mi shkonin në ‘Walmart’ unë këndoja në dhomën time dhe një ditë qava kur pashë që ata më filmonin nga dera”, ka thënë artistja.
https://www.instagram.com/p/B0L9HecH_zl/
Gjithashtu ajo ka shtuar se sa herë ndjente se kishte gjithë vëmendjen e të tjerëve ndjehej në siklet. “Unë kam qenë shumë nervoze dhe ndjehesha në ankth nga socializmi kur isha e vogël dhe njerëzit nuk më besojnë kur u tregoj këtë gjë”, ka treguar Cabello. Këngëtarja ka thënë se brenda saj jeton edhe Camila e vogël, por nuk e lejon që ta pengojë në realizimin e atyre gjërave që dëshiron. Camila ka shtuar se vazhdon të ketë probleme me ankthin, por tashmë ka gjetur çfarë dëshiron nga jeta dhe po punon fort për plotësimin e vetes.
https://www.instagram.com/p/B0L93G4nU9j/
Gjatë këtyre viteve të fundit artistja e njohur ka fituar një sërë çmimesh mjaft të rëndësishme dhe pjesën më të madhe të tyre nga kënga e saj “Havana”, që rezultoi një sukses botëror. /revistawho.com
