Princ George ka festuar dje ditëlindjen e tij të 6-të dhe në këtë ditë speciale nuk ka munguar as urimi i bërë nga xhaxhai i tij, Princ Harry dhe Meghan Markle. Duka dhe dukesha e Sussex zgjodhën ta urojnë princin duke komentuar në një galeri fotosh të publikuar nga Kate dhe William.
“Gëzuar ditëlindjen. Ju urojmë një ditë të veçantë dhe shumë dashuri”, ishte komenti i lënë nga dyshja mbretërore, i cili ngjalli shumë diskutime dhe negativitet në rrjet. Arsyeja pse fansat nuk e pëlqyen komentin ishte sepse mendonin se Meghan dhe Harry duhet të përdornin titullin mbretëror të të voglit, pasi është një princ. Ndjekësit janë shprehur se ata duhet të shprehin respekt ndaj një pjesëtari të familjes mbretërore, pasi George është një nga pretendentët kryesorë për t’u bërë mbret.
Kujtojmë se kjo nuk është hera e parë që Markle dhe Harry vihen në qendër të vëmendjes nga fansat e tyre për veprimet e bëra në kuadër të pallatit mbretëror./revistawho.com
https://www.instagram.com/p/B0MapAylN3g/?utm_source=ig_embed
