Takimi i parë me një person është mjaft i rëndësishëm, sepse të gjithë mendojmë se si dukemi në sytë e tjetrit. Për më tepër ju mund të zbuloni detaje të shumta për të dashurin tuaj që nga takimi i parë që bëni me të. Më poshtë do të gjeni 5 prej tyre që duhet t’i vini patjetër re kur jeni përballë personit që dashuroni.
- Mënyra se si ai trajton të tjerët
Vini re se si partneri juaj thërret kamerierin apo të tjerët. Një person me këmbë në tokë dhe i thjeshtë i trajton të gjithë me respekt dhe nuk përpiqet që ta bëjë dikë të ndjehet keq.
- Kujt i kushton më shumë vëmendje?
Kur uleni në tavolinë telefonat duhet t’i lini në cep, për t’i kushtuar më shumë vëmendje bisedës. Nëse i dashuri juaj nuk mund të rri i qetë pa celularin as në takimin e parë, atëherë duhet ta kuptoni se kujt i kushton ai më shumë rëndësi.
- Korrektësia ka shumë rëndësi
Nëse partneri vjen në kohë në takimin e parë, do të thotë se ai respekton kohën dhe energjinë tënde. Nëse është me vonesë dhe të dërgon një mesazh do të thotë se ai është një person i përgjegjshëm.
- Diferencat në mendime
Një person liberal dhe me mendje të hapur gjithmonë përpiqet të kuptojë edhe mendimet e partneres. Ai do të respektojë opinionin e të tjerëve dhe nuk do t’ju gjykojë nëse keni një ide ndryshe për çështje të njëjtë.
- Mënyra si flet për ish të dashurën
Nëse partneri juaj ju flet që në takimin e parë për ish të dashurën do të thotë se ai nuk e ka harruar ende. Është mirë që të flisni për të shkuarën tuaj, por nuk është një ide e zgjuar që të flisni për këtë temë që në takimin e parë. /revistawho.com
