Selena Gomez ka dy shembuj frymëzimi, ëndërron të jetë një Oprah Winfrey apo Angelina Jolie e ardhshme

Selena Gomez nuk është një emër i panjohur në punët e bamirësisë, duke qenë se ajo është ambasadorja e parë më e re në moshë e “UNICEF” dhe gjithmonë ka ardhur në ndihmë të fëmijëve të sëmurë. Siç duket artistja e njohur ka dy shembuj frymëzim, Oprah Winfrey dhe Angelina Jolie, e shpreson që së shpejti të bëhet si ato. Burime pranë këngëtares dhe aktores së njohur kanë thënë për ‘Hollywood Life’: “Ajo po kërkon gjëra të reja për t’u motivuar. Një rol në film apo një këngë e bukur gjithmonë do i shërojnë zemrën, por ajo dëshiron që të bëjë sa më shumë bamirësi dhe ëndërron të jetë një grua si Angelina Jolie apo Oprah Winfrey. Do që zëri i saj të dëgjohet dhe të ketë impakt në shoqëri”. Ata kanë shtuar se artistja e njohur nuk kërkon që kjo të kthehet në diçka politike, sepse qëllimi i saj i vetëm është të ndihmojë njerëzit përmes platformave të saj. Selena ka një mbështetje të madhe nga ana e fansave dhe sigurisht e ka më të lehtë t’i arroj synimet për bamirësi. Para pak ditësh Gomez festoi 27-vjetorin e lindjes dhe duket se tashmë është tërësisht e fokusuar tek jeta e saj, për të qenë e lumtur dhe për t’u ndjerë sa më mirë me veten. /revistawho.com