Vajzat e njohura janë gjithë kohës të ekspozuara ndaj komenteve që vënë në pah format e tyre trupore, duke tejkaluar në shumë raste çdo normë etike. Me të njëjtën gjë është përballur ditën e sotme edhe Xhesika Berberi, por këtë herë jo nga ana e ndjekësve në rrjete sociale, por nga një media. Modelja shqiptare ka publikuar në ‘Instagram’ një foto me bikini dhe një portal në Kosovë ka ndërtuar një lajm duke e vënë theksin tek trupi i Xhesikës. Në të shkruhet se modelja është tërësisht natyrale, por fansat e saj nuk e pëlqejnë. Ky lajm ka mbërritur tek modelja, e cila nuk ka ngurruar të reagojë publikisht ndaj medias në fjalë dhe gjithë atyre që bëjnë komente të tilla.
“Çdokush është ndryshe prandaj është unik. Unë jam kjo që jam dhe asnjë nga shkrimet tuaja shumë injorante nuk më bëjnë të humb konfidencën. Shija ime është shumë ‘class’ për ju… P.s: Jam 1000% natyrale”, ka shkruar Xhesika në postimin e saj.
Kujtojmë se Berberi ka shumë vite që jeton larg Shqipërisë për të vazhduar karrierën e saj si modele në SHBA. /revistawho.com
