‘E Diela Shqiptare’ ka qenë për një kohë të gjatë pranë publikut shqiptar në çdo ditë të dielë, ekzaktësisht plot 11 vite. Ditën e djeshme, stafi i programit nisi pushimet dhe Ardit Gjebrea i ka falenderuar të gjithë nëpërmjet një postimi në ‘Instagram’. Moderatori ka treguar mirënjohje për të gjithë punën e palodhshme të kolegëve të tij dhe i është drejtuar atyre me fjalën ‘familje’. “Është kjo skuadër që më jep motiv të jem aty, kur jam i pamundur, të bëj gjithçka që të ndihen mirë jo vetëm me mua, por mbi të gjitha me njëri-tjetrin. E nëse them se ne jemi familja e madhe e ‘E Diela Shqiptare’, është meritë e skuadrës familje që punon për këtë program”, ka shkruar Arditi. Sigurisht, ai nuk ka harruar të falenderojë dhe mbështetësit e tij më të mëdhenj për këto 11 vite, publikun. “Kryefjala e vërtetë e programit, janë ata që na ndjekin”, ka përfunduar ai. Çdo vit, ky program sjell risi dhe programe të reja, qoftë për fëmijë apo për të rritur. Me siguri dhe këtë vit do shohim diçka ndryshe, por për këtë na duhet të presim fillimin e sezonit të ri./revistawho.com
https://www.instagram.com/p/B0ebZK3npxL/?igshid=k9on7zy3txmy
