Mbrëmja e djeshme në Kosovë ishte e mbushur me emocion, kjo pasi në skenën e ‘Sunny Hill Festival’ u ngjit këngëtarja me famë botërore, Miley Cyrus. Performanca e saj u pëlqye shumë nga të gjithë dhe sigurisht kjo gjë u transmetua dhe tek vetë këngëtarja. Ditën e sotme, ajo publikoi një foto ku shfaqej e përqafuar me Dua Lipën dhe krahas fotos, shkruajti disa fjalë për të falenderuar në një farë mënyre këngëtaren shqiptare. “2 mbretëresha janë gjithmonë më mirë se 1. E dua këtë vajzë. Po pres me padurim të vazhdoj të njoh ty dhe familjen tënde të mrekullueshme. Të dua”, ka shkruar Miley, duke zbuluar kështu se deri tani marrëdhënia e saj me familjen Lipa është shumë e mirë. Këngëtarja ka publikuar edhe disa video shkëputur nga performanca e saj dhe me këtë kuptojmë se ajo vërtetë ka shijuar çdo moment të shfaqjes./revistawho.com
https://www.instagram.com/p/B0tNORYpPnC/?igshid=170fxdbl4uqf9
