Në vitin 2017, Selena Gomez ndau me ndjekësit e saj në ‘Instagram’ një foto ku shfaqej në spital e kapur përdore me mikeshën e saj më të ngushtë, Francia Raisa. Kjo e fundit, i kishte dhuruar veshkën Selena-s, duke i shpëtuar kështu jetën. Por, çfarë ka ndodhur me vajzat tani, 2 vite pas operacionit? Sipas portaleve të huaja, Selena dhe Francia i kanë shkëputur marrëdhëniet me njëra-tjetrën, pasi kjo e fundit kishte filluar të kritikonte shpeshherë këngëtaren në lidhje me shëndetin. Selena i kishte premtuar se nuk do të pinte më alkool dhe do të kujdesej më shumë, por duke qenë se nuk e ka mbajtur fjalën, gjërat mes tyre janë ftohur. Këshillat e Francias nuk janë pritur mirë nga këngëtarja, megjithatë ajo e di se mikesha e saj shqetësohet për shëndetin e Selena-s. Kujtojmë se Gomez ka pak kohë që ka dalë nga qëndra e rehabilitimit ku ishte shtruar dhe tani po shijon jetën e saj ‘single’ dhe larg rrjeteve sociale./revistawho.com
