Mozzik ka publikuar foto nga koncerti më i madh ku ka qenë i pranishëm së fundmi, i ftuar nga miku dhe kolegu i tij Unikkatili. Reperi ka performuar në datë 27 korrik në stadiumin ‘Adem Jashari’ dhe emocionet kanë qenë të paimagjinueshme. “Ishte e gjitha një ëndërr”, shkruan reperi krahas fotos ku shfaqet me kolegun e tij.
Pak ditë më parë, dy reperët kanë publikuar edhe një bashkëpunim muzikor që mban emrin ‘Shqiptar’. Edhe për këtë projekt, Mozzik është shprehur shumë i emocionuar duke zbuluar se ka qenë një dëshirë e hershme e tij që të realizonte një këngë në bashkëpunim me Unikkatil dhe më në fund ja arriti.
Nga ana tjetër, rikthimi i reperit legjendar shqiptar është mirëpritur me shumë emocion nga fansat. Stadiumi ‘Adem Jashari’ është mbushur plot nga adhuruesit e muzikës së Unikkatil, për të shijuar ‘live’ këngët e reperit në koncertin që siç ai është shprehur do të jetë i fundit i karrierës së tij në këto përmasa. / revistawho.com
