Kreshnik Fazliu, ose siç njihet ndryshe, Mc Kresha, është një nga reperët më në zë të momentit, suksesi i të cilit sa vjen e rritet. Ndër vite e kemi parë në bashkëpunim me artistë të ndryshëm shqiptar apo të huaj, me projekte që janë kthyer në hite të padiskutueshme, megjithatë karriera e tij si reper ka nisur solo. Këtë na e vërteton albumi i parë i Mc Kreshës, “Patikat e Mia”, i cili sot ‘feston’ 9-vjetorin e daljes në treg. “Sot 9 vjet ka dalë ‘Patikat e Mia’. Faleminderit të gjithëve, sidomos ty dëgjues i dashur”, ka shkruar reperi në postimin e tij në ‘Instagram’, duke ‘festuar’ këtë ditë të rëndësishme të karrierës së tij me mbështetësit më të mëdhenj. Komentet e fansave kanë qenë nga më të ndryshmet, disa e kanë falenderuar për muzikën që sjellë, e ndërsa disa thjesht kanë cituar vargje nga këngët e albumit në fjalë. Ajo çfarë bie në sy është dhe pamja shumë ndryshe e Kreshës, i cili duket i veshur me rroba të gjëra, sigurisht duke u përshtatur me stilin e muzikës së tij. Që pas vitit 2010, Kresha dhe pjesëtarët e tjerë të grupit ‘P.I.N.T’ kanë publikuar dhe 5 albume të tjera të suksesshme./revistawho.com
https://www.instagram.com/p/B0vUURMh4CH/?igshid=1qt961rg24krc
