Të shtunën e parë të gushtit në mbarë botën festohet dita e miqësisë dhe sot kemi vendosur të sjellim në vëmendje disa nga miqësitë e pandara në showbiz-in shqiptar. Një pjesë e madhe prej tyre kanë lindur gjatë rrugëtimit të njëjtë në karrierë, e disa të tjerë i ka bashkuar rastësia. Megjithatë nuk ka rëndësi se çfarë rruge i ka bërë bashkë, e bukura në këto raporte qëndron tek besnikëria dhe sinqeriteti, që janë dy faktorët kryesorë të cilët ndikojnë në ruajtjen përjetë të një miqësie.
Aurela Gaçe dhe Eli Fara
Të dyja kanë vite që njihen dhe është e vështirë t’i shikosh të ndara nga njëra-tjetra. Eli dhe Aurela janë bashkë jo vetëm në koncerte, por edhe në çdo moment tjetër. Ato e kanë pohuar se i janë gjendur njëra-tjetrës pranë edhe në çastet më të vështira, prandaj miqësia e tyre është forcuar me kalimin e viteve.
Arbana Osmani dhe Xhemi Shehu
“Top Media” shërbeu si iniciator për një lindjen e një miqësie të pandarë mes dy kolegeve. Shumë profesionistë të fushës kanë hyrë e kanë dalë nga dyert e “Top Channel”, ndërsa Arbana dhe Xhemi jo vetëm që janë pjesë e televizionit për vite me radhë, por vazhdojnë edhe të ruajnë fort miqësinë mes tyre.
Rezarta Shkurta dhe Soni Malaj
Pasioni për këngën i ka bërë bashkë dhe pavarësisht se Rezarta është shkëputur disi prej muzikës, ajo dhe Soni vazhdojnë të jenë shoqe për kokë me njëra-tjetrën. Madje ato ka në treguar se këtë miqësi po e pasojnë edhe tek dy vajzat, Anna dhe Hera, që kanë lidhje po aq të ngushtë me njëra-tjetrën sa dy nënat e tyre.
Besa Kokëdhima dhe Elvana Gjata
Miqësia mes tyre është një ndër më veçantat të showbiz-it shqiptar dhe ju ka rezistuar viteve. Elvana dhe Besa janë gjithmonë bashkë dhe shoqëria mes tyre është aq e fortë sa që në publik janë shfaqur edhe si dy motra.
Elvana Gjata dhe Jonida Vokshi
Elvana dhe Jonida përveçse janë mikesha shumë të mira, shpesh i kanë ngatërruar me njëra-tjetrën për shkak të ngjashmërisë që kanë në tipare. Ato janë gjithmonë bashkë dhe nuk ka më bukur se të shohësh dy vajza të njohura që kujdesen aq shumë për të ruajtur një miqësi.
Fiori Dardha dhe Rozana Radi
Ato të dyja u bënë bashkë për emisionin “Boom”, por miqësia mes Rozanës dhe Fiorit i ka rrënjët më të thella. Ato kanë gati 20 vite që njihen me njëra-tjetrën dhe pavarësisht problemeve të vogla, miqësia mes tyre i ka rezistuar kohës.
Noizy dhe Blerim Destani
Miqësia mes Noizy-t dhe Blerimit është një nga ato të rrallat mes dy djemve në showbiz-in shqiptar. Ata të dy nuk ndajnë të njëjtat pasione, megjithatë janë gjithmonë në mbështetje të njëri-tjetrit për çdolloj suksesi.
Alketa Vejsiu dhe Vera Grabocka
Alketa dhe Vera janë dyshja e pandarë e televizionit shqiptar. Kudo që është Vera është edhe Alketa, sepse tashmë ato janë mësuar të kenë pranë njëra-tjetrën në çdo projekt. Kanë shumë vite që njihen bashkë dhe kjo miqësi padiskutim që ka ndikuar në suksesin e çdo emisioni që kanë realizuar.
Mc Kresha dhe Lyrical Son
Ata janë të dy reperë shumë të suksesshëm, por kjo nuk ka ndikuar në miqësinë mes tyre. Jo vetëm që nuk njohin konkurrencë mes njëri-tjetrit, por janë bërë bashkë në labelin ‘Pint’ për t’i dhuruar më të mirat publikut shqiptar.
Bes Kallaku dhe Erion Isai
Për herë të parë të dy u bënë të njohur në “Portokalli” dhe që nga momenti kur u shfaqën bashkë në skeçe nuk i pamë më të ndarë nga njëri-tjetri. Për shkak të kësaj miqësie vendosën të dy të largoheshin në të njëjtën kohë nga spektakli i humorit në ‘Top Channel’ për të nisur një rrugëtim të ri në ‘Klan’ me ‘Be Coffee’. /revistawho.com
