Për shkak të aktivitetit të përditshëm shpesh e kemi të vështirë të gjejmë kohën për t’u kujdesur për veten dhe për të mbajtur trupin në formë. Megjithatë ka disa mundësi dhe zgjidhje të tjera, që janë mjaft efikase njësoj si të shkuarit në palestër. Mbrëmjen e sotme Renato Mekolli na ka treguar një zgjidhje shumë ideale jo vetëm për ata që nuk kanë kohë, por edhe për të tjerët që përtojnë të shkojnë në palestër. Shefi i njohur i kuzhinës ka publikuar në profilin e ‘Instagram-it’ një video, në të cilën shihet duke u stërvitur në shtëpinë e tij. Ai ka shtruar në dysheme një jastëk dhe batanije të hollë për t’u ushtruar për muskujt e barkut.
https://www.instagram.com/p/B0wUKsencz4/?igshid=1j2ertad959dm
Siç duket nga videoja është pothuajse e njëjta gjë si në palestër, thjesht duhet të gjeni vetë motivimin për t’u stërvitur, sepse në shtëpi nuk keni një instruktor që ju shtyn të ushtroheni apo ju tregon çfarë ushtrimesh duhet të kryeni. Për personat si Renato që janë mjaft të angazhuar me punë, kjo është një mundësi perfekte. Kujtojmë se Mekolli në tetor do të rikthehet në ekran për edicionin e dytë të “Hell’s Kitchen” dhe siç duket sërish këtë herë do të shfaqet në formë të mirë fizike. /revistawho.com
