Ditën e djeshme, në Turqi ka mbaruar telenovela ‘Erkençi Kus’, e cila është një nga telenovelat më të ndjekura në shumë vende të ndryshme të botës. Pas mbarimit të saj, protagonisti Can Yaman, ka shkruar disa fjalë dedikuar stafit me të cilin ka punuar, por dhe vetë telenovelës. “Erkenci Kus’ nuk ishte i famshëm vetëm këtu, por në shumë vende të botës, ishte një fenomen që mori çmime, ishte unik. Nuk e di nëse një serial i tillë vjen sërish në ekran, por nëse ndodh një dyshe kaq shumë, shumë, shumë e mirë sa ne të dy është e vështirë të jetë. Falenderoj shumë Demet Ozdemir me të cilën iu përkushtuam çdo skene, mbushëm çdo boshllëk, ajo i dha energji të gjithë grupit të punës dhe na bëri të qeshim me batutat e saj”, ka shkruar Can krahas fotos ku shfaqet me Demet në skenën e fundit të telenovelës. Pas këtyre fjalëve ka ardhur dhe një reagim nga aktorja në komente, e cila është shprehur se është e lumtur për punën e tyre, duke e falenderuar publikisht. Për shkak të kimisë së tyre, “Një puthje në errësirë” është ndër telenovelat më të preferuara dhe nga shqiptarët. Can dhe Demet janë komentuar për një lidhje dhe në jetën reale, por kjo gjë as nuk është pranuar dhe as mohuar nga dyshja e aktorëve./revistawho.com
https://www.instagram.com/p/B01PRrVhSYF/?igshid=30dvl7dm4a0y
