Aplikimi i këngëtarit amerikan, Chris Brown që të hyjë në shtetin e Australisë është refuzuar edhe zyrtarisht nga ministri australian i emigracionit, Peter Dutton. Refuzimi i vizës i është bërë për shkak të dhunës që Chris Brown kishte përdorur ndaj Rihanna-s, në vitin 2009. Sipas BBC-së, autoritetet australiane e kanë argumentuar vendimin e tyre duke thënë se njerëzit duhet të kuptojnë, se nëse keni kryer dhunë në familje dhe doni të udhëtoni në botë, ka vende që do t’ju thonë: Nuk mund të vini në vendin tonë, pasi nuk keni karakterin që ne presim. Chris Brown në Australi do të mbante turneun e tij
në Sydney, Melbourne, Perth dhe Brisbane. Ai ka 28 ditë për të apeluar vendimin për refuzimin e vizës. Biletat për koncertet e tij do të dalin në shitje të hënën, por askush nuk ka siguri, nëse vërtetë do të realizohen këto koncerte, apo jo.
“
,
