Bleona Qereti prej kohësh i është nënshtruar dietës ‘detox’, e cila është e përqëndruar në pastrimin e trupit nga toksinat. Kjo lloj diete është e bazuar në konsumimin e më shumë frutave dhe perimeve, pirjes së një sasie të madhe uji dhe të hequrit dorë nga ushqimet e procesuara, kafeina, alkooli. Këtë lloj diete e kanë aplikuar shumë personazhe të njohur dhe njihet si një ndër më të mirat për mbajtjen e trupit në formë. Siç duket edhe tek Bleona ka pasur rezultat dhe këtë gjë ajo e ka treguar përmes një postimi në ‘Instagram’. Këngëtarja ka publikuar një fotografi ‘topless’ dhe duket qartë se ka forma perfekte trupore. Përkrah fotos ajo ka dhënë dhe një mesazh për vajzat, që të ndihen të lira dhe të bukura. “Mirëmëngjes botë! Dieta ime po funksionon. Hiqni rrobat dhe dukuni bukur”, ka shkruar Bleona në postimin e saj.
Ajo ka zbuluar se fotografinë e ka realizuar në një qendër ‘wellness’ dhe se ndodhet në Spanjë. Bleona ka marrë komente të shumta nga ndjekësit e saj dhe të gjitha vajzat urojnë që të duken kaq bukur sa ajo në çdo moshë. Përveç dietës që ndjek, Bleona është vazhdimisht aktive në palestër dhe prandaj trupi i saj është gjithmonë në formë të përkryer. /revistawho.com
