Prej disa javësh përflitet se bashkëshortja e Gaz Pajës, Ira Seferi, është shtatzënë dhe shumë shpejt pritet që ata të bëhen prindër. Thuhej se Ira ka qenë shtatzënë edhe në dasmë, prandaj u planifikua gjithçka kaq shpejtë. Deri më sot çifti i njohur vendosën të mos reagonin, por përmes disa postimeve në ‘Instagram’, Seferi ka treguar të vërtetën. Ajo ka shkëputur titullin nga një gazetë, në të cilin thuhej se kjo shtatzëni ishte e paplanifikuar dhe për këtë arsye Gazi ndryshoi tërësisht planet dhe mori vendimin për martesë brenda natës. Siç duket Ira nuk e ka pritur mirë këtë lajm, ndaj nuk ka mundur të qëndrojë më e heshtur. Ajo ka konfirmuar se është shtatzënë dhe me ironi ka komentuar faktin se kjo gjë erdhi e papritur për ta. “Unë nuk di të kem pasur ndonjë shtatzëni të pa planifikuar, po na falni nëse ju kemi prishur agjendën e dasmave. Si mund të jepni lajmin e bukur të pritjes së ëmbël me këtë titull? Tregohuni pak me dashamirësi dhe profesionalizëm!”, ka shkruar Ira në një postim në ‘Instastory’.
Ndërsa në lajm thuhet se ajo e ka fshehur barkun në dasmë poshtë fustanit të bardhë, Ira shprehet: “Epo ndodh që në fillimet e shtatzënisë barku nuk duket, apo quhet fshehje kjo? Ma bëj hallall”.
Në këtë mënyrë ajo ka pranuar se në dasmën e saj ka qenë në muajt e parë të shtatzënisë dhe prandaj nga fustani nuk është dukur asgjë. Kujtojmë se Ira dhe Gaz Paja e kurorëzuan dashurinë e tyre në fillim të muajit qershor. /revistawho.com
