Kim Kardashian flet për miqësinë me Paris Hilton: Do bëja çdo gjë për të

Kim Kardashian dhe Paris Hlilton kanë një marrëdhënie shumë të ngushtë. Miqësia e tyre nis shumë vite më parë, por ia ka dalë t’i rezistojë kohësh. Gjatë premierës së episodit të ri të “Keeping Up With The Kardashias”, Kim dëgjohet duke biseduar me motrën e saj Khloe në lidhje me miqësinë e tyre, ku kjo e fundit i thotë: “Është e mrekullueshme kjo që po bën për të, pavarësisht se je e mbytyr në punë”. Khloe i referohet paraqitjes së Kim-it në videoklipin e këngës së re të Hilton dhe e quan veprimin e motrës së saj si diçka shumë të mirë, duke ditur axhendën e saj të ‘çmendur’. “Do bëja gjithçka për të”, i thotë Kim, “Falë saj kam karrierën time dhe e di shumë mirë këtë gjë. Dua t’i qëndroj besnike njerëzve të mi”, ka përfunduar ajo. Miqësia e Kim dhe Paris ka pasur disa probleme të vogla kohë më parë, por vajzat i kanë sqaruar keqkuptimet mes tyre dhe tani janë sërish si në fillimet e tyre./revistawho.com